ദേവികുളം: ഭിത്തിയിൽ ചോരക്കറ, മൂന്നാർ കന്നിമല എസ്റ്റേറ്റിലെ സെക്യൂരിറ്റി ജീവനക്കാരൻ മരിച്ച നിലയിൽ

Devikulam, Idukki | Aug 23, 2025

മൂന്നാര്‍ ചൊക്കനാട് എസ്റ്റേറ്റില്‍ സെക്യൂരിറ്റി ജീവനക്കാരനായി ജോലി ചെയ്ത് വന്നിരുന്ന കന്നിമല ഫാക്ടറി ഡിവിഷന്‍ സ്വദേശി രാജപാണ്ടിയെയാണ് മരിച്ച നിലയില്‍ കണ്ടെത്തിയത്. മറ്റ് സെക്യൂരിറ്റി ജീവനക്കാര്‍ എത്തിയതോടെ കറി ഉണ്ടാക്കാമെന്ന് പറഞ്ഞ് രാജപാണ്ടി സെക്യൂരിറ്റി ക്യാമ്പിലേക്ക് പോയി. ഏറെ സമയം കഴിഞ്ഞും ഇയാള്‍ തിരികെ എത്താതെ വന്നതോടെ അന്വേഷിച്ചെത്തിയപ്പോഴാണ് മരിച്ച നിലയില്‍ കണ്ടെത്തിയത്. ഭിത്തിയില്‍ ചോരക്കറയുള്ളതായും രാജപാണ്ടിയുടെ തലയില്‍ ആഴത്തില്‍ മുറിവ് ഉള്ളതായും വിവരമുണ്ട്. സംഭവത്തിന് പിന്നില്‍ കൊലപാതകമാണോയെന്ന് പോലീസ് സംശയിക്കുന്നു.