ઉધના: સુરત શહેર માંથી ૧૯ વર્ષથી ફરાર મોસ્ટ વોન્ટેડ આરોપી આખરે ઝડપાયો: સુરત SOG પોલીસે કર્ણાટકથી દબોચ્યો

Udhna, Surat | Sep 13, 2025

સુરત શહેરના મોસ્ટ વોન્ટેડ આરોપીઓની યાદીમાં સામેલ અને છેલ્લા ૧૯ વર્ષથી પોલીસને થાપ આપીને ફરાર થયેલા એક આરોપીને શહેર SOG પોલીસે કર્ણાટકથી ઝડપી પાડ્યો છે. આ આરોપી ઉમરા પોલીસ મથકમાં નોંધાયેલ હત્યા અને લૂંટના ગંભીર ગુનામાં વોન્ટેડ હતો. આરોપી પર ૪૫ હજાર રૂપિયાનું ઇનામ પણ જાહેર કરવામાં આવ્યું હતું.આરોપી કર્ણાટકના ઉડુપ્પી દરિયા કિનારે પોતાનું નામ બદલીને મજૂરી કામ કરી રહ્યો છે. બાતમીના આધારે SOG પોલીસે વેપારીનો વેશ ધારણ કરી આરોપીને ઝડપી પાડ્યો હતો.