लातूर: ढोल-ताशांच्या गजरात श्री गणेशाचे लातूरमध्ये आगमन,डॉल्बीमुक्त गणेशोत्सवासाठी पोलिस सज्ज

Latur, Latur | Aug 27, 2025

लातूर :-गणेश चतुर्थीनिमित्त लातूर जिल्हा व शहरात गणपती बाप्पांचे आगमन पारंपरिक ढोल-ताशांच्या गजरात आणि भक्तीमय वातावरणात झाले. शहरातील शिवाजी चौकातील राजा मोरया गणेश मंडळातर्फे गणेशमूर्तीचे आगमन मोठ्या उत्साहात साजरे करण्यात आले. 'गणपती बाप्पा मोरया'च्या घोषणांनी संपूर्ण शहरात भक्तिमय वातावरण रंगले होते.यावर्षी लातूर जिल्ह्यात गणेशोत्सव डॉल्बीमुक्त साजरा करण्याचा निर्णय प्रशासनाने घेतला आहे. याबाबत स्पष्ट आदेश देण्यात आले आहेत की, केवळ पारंपारिक वाद्यांचा वापर होईल.