തിരുവനന്തപുരം: വഴിയിൽ കണ്ടവരെയെല്ലാം കടിച്ചു, മംഗലപുരത്ത് തെരുവുനായ ആക്രമണത്തിൽ നാലു വയസുകാരി അടക്കം 3 പേര്‍ക്ക് പരിക്ക്

Thiruvananthapuram, Thiruvananthapuram | Aug 25, 2025

മംഗലപുരത്ത് തെരുവുനായ ആക്രമണം. നാല് വയസുകാരിക്ക് അടക്കം മൂന്ന് പേര്‍ക്ക് പരുക്കേറ്റു.മംഗലപുരം പാട്ടത്തിൻകരയില്‍  ഇന്ന് രാവിലെ ഒൻപത് മണിയോടെ ആയിരുന്നു തെരുവുനായ ആക്രമണം. വീട്ടുമുറ്റത്ത് പല്ലു തേച്ചു കൊണ്ടിരുന്ന നാലു വയസ്സുകാരി ദക്ഷിണയെയാണ് ആദ്യം തെരുവുനായ ആക്രമിച്ചത്. കുട്ടിക്ക് മുഖത്തും തലയിലും കൈയിലും കടിയേറ്റു. ഇതുകണ്ട് തടയാന്‍ ചെന്ന മുത്തച്ഛൻ ബാബു പിള്ളയ്ക്കും കടിയേറ്റു.  അവിടെ നിന്നും ഓടിയ നായ അടത്തുളള കാവ് ക്ഷേത്രത്തിന് സമീപം വെച്ച്‌ രാജേഷ് എന്നയാളെയും കടിച്ചു.