ದಾವಣಗೆರೆ: ನಗರದಲ್ಲಿ ನಿಯಮ ಮೀರಿ ಶಾಲಾ ಮಕ್ಕಳನ್ನು ಕರೆದೊಯ್ಯುವ ಆಟೋ, ವ್ಯಾನ್‌ಗೆ ಬಿತ್ತು ದಂಡ

Davanagere, Davanagere | Aug 23, 2025

ನಿಗಧಿಗಿಂತ ಹೆಚ್ಚು ಶಾಲಾ ಮಕ್ಕಳನ್ನು ಕರೆದೊಯ್ಯುವ ಶಾಲಾ ಆಟೋ ಮತ್ತು ವ್ಯಾನ್‌ಗಳ ವಿರುದ್ಧ ಪೊಲೀಸರು ಕಾಚಾರ್ಯಚರಣೆಯನ್ನು ಮುಂದುವರೆಸಿದ್ದು, 4 ಶಾಲಾ ವ್ಯಾನ್ ಮತ್ತು 27 ಆಟೋಗಳನ್ನು ಪ್ರಕರಣ ದಾಖಲಿಸಿದ್ದಾರೆ. ಎಸ್ಪಿ ಉಮಾ ಪ್ರಶಾಂತ್, ಎಎಸ್ಪಿ ಪರಮೇಶ್ವರ ಹೆಗಡೆ ಮಾರ್ಗದರ್ಶನದಲ್ಲಿ ಸಂಚಾರ ಸಿಪಿಐ ನಲವಾಗಲು ಮಂಜುನಾಥ ನೇತೃತ್ವದಲ್ಲಿ ಸಂಚಾರ ಠಾಣೆ ಪಿಎಸ್‌ಐ ಜಯಶೀಲ, ಶೈಲಜಾ, ನಿರ್ಮಲ ಹಾಗೂ ಸಿಬ್ಬಂದಿಗಳ ತಂಡ ವಿಶೇಷ ಕಾರ್ಯಾಚರಣೆ ನಡೆಸಿ ನಿಗಧಿಗಿಂತ ಹೆಚ್ಚು ಶಾಲಾ ಮಕ್ಕಳನ್ನು ಕರೆದೊಯ್ಯುತ್ತಿದ್ದ 4 ಶಾಲಾ ವ್ಯಾನ್ ಮತ್ತು 27 ಆಟೋಗಳನ್ನು ವಶಕ್ಕೆ ಪಡೆದು ಪ್ರಕರಣ ದಾಖಲಿಸಲಾಗಿದೆ ಎಂದು ಉತ್ತರ ಸಂಚಾರ ಠಾಣೆಯ ಪಿಎಸ್‌ಐ ಮಹಾದೇವ ಭತ್ತೆ ಶನಿವಾರ ಮಧ್ಯಾಹ್ನ 1 ಗಂಟಗೆ ತಿಳಿಸಿದ್ದಾರೆ.