കൊല്ലം: പരവൂർ നഗരസഭയുടെ നേതൃത്വത്തിൽ സംഘടിപ്പിച്ച ഓണം വാരാഘോഷം സമാപിച്ചു

Kollam, Kollam | Sep 9, 2025

പരവൂർ നഗരസഭയുടെ നേതൃത്വത്തിൽ ഡി.ടി.പി.സി, പരവൂർ പൗരാവലി എന്നിവയുടെ സഹകരണത്തോടെ സംഘടിപ്പിച്ച ഓണം വാരാഘോഷത്തിന് സമാപനമായി.പരവൂർ മുനിസിപ്പൽ ബസ് സ്റ്റാൻഡിനു സമീപം സംഘടിപ്പിച്ച സാംസ്‌കാരിക സമ്മേളനം കവിയും ഗാനരചയിതാവുമായ കൈതപ്രം ദാമോദരൻ നമ്പൂതിരി ഉദ്ഘാടനം ചെയ്തു. ചടങ്ങിൽ കുടുംബശ്രീ- ഹരിതകർമസേന അംഗങ്ങൾ, തൊഴിലുറപ്പ് തൊഴിലാളികൾ എന്നിവരെ ആദരിച്ചു. പരവൂർ നഗരസഭ ചെയർപേഴ്സൺ പി ശ്രീജ അധ്യക്ഷയായി.