କଟକ ପୌରାଞ୍ଚଳ: ଶେଖ ବଜାରରେ ଏକ ଘରେ ନିଆଁ ଲାଗିବାରୁ ଚାଲିଗଲା ମାନସିକ ଅନଗ୍ରସର ବୃଦ୍ଧାଙ୍କ ଜୀବନ

Cuttack M Corp PS, Cuttack | Aug 29, 2025

କଟକ ଶେଖ ବଜାର ଅଞ୍ଚଳରେ ଏକ ଘରେ ନିଆଁ ଲାଗିବାରୁ ଚାଲିଗଲା ଜଣେ ମାନସିକ ଅନଗ୍ରସର ବୃଦ୍ଧାଙ୍କ ଜୀବନ। ମୃତକ ହେଲେ ୬୫ ବର୍ଷୀୟା କଲ୍ୟାଣୀ। ଖବର ପାଇ ପୋଲିସ ପହଞ୍ଚି ଅର୍ଦ୍ଧଦଗ୍ଧ ମୃତଦେହକୁ ଉଦ୍ଧାର କରି ପୋଷ୍ଟମର୍ଟମ ପାଇଁ ମେଡିକାଲ ପଠେଇଛି। ଶୁକ୍ରବାର ସକାଳ ୧୧.୩୦ ମିନିଟ ସମୟରେ ପୋଲିସ ଏହି ମୃତଦେହକୁ ଉଦ୍ଧାର କରିଛି। ଗୁରୁବାର ବିଳମ୍ବିତ ରାତିରେ ଘରେ ନିଆଁ ଲାଗିଥିଲା। ଘରେ ଶୋଇବା ସମୟରେ ମଶାବତିରୁ କପଡ଼ାରେ ନିଆଁ ଲାଗିବା ଯୋଗୁଁ ଏହି ଅଗ୍ନିକାଣ୍ଡ ଘଟଣା ଘଟିଛି ବୋଲି ଅଗ୍ନିଶମ ବାହିନୀ ଅନୁମାନ କରୁଛି।