ગોધરા: ગુજરાતના વિદ્યાર્થીઓમાં વધતી મારામારી ની ઘટનાઓ ને જોતા શહેરની બ્રાઇટમેટ ઇન્સ્ટિટ્યૂટ દ્વારા જાગૃતિ કાર્યક્રમ યોજાયો

Godhra, Panch Mahals | Aug 26, 2025

અમદાવાદ સહિત રાજ્યના વિવિધ જિલ્લાઓમાં શાળાઓમાં વિદ્યાર્થીઓ વચ્ચે મારામારીની ઘટનાઓ વધી રહી છે. આ પરિસ્થિતિને ધ્યાનમાં રાખીને, ગોધરાની જાણીતી શૈક્ષણિક સંસ્થા બ્રાઇટમેટ ઇન્સ્ટિટ્યૂટ દ્વારા એક વિશેષ જાગૃતિ કાર્યક્રમનું આયોજન કરવામાં આવ્યું હતું. આ કાર્યક્રમનો મુખ્ય ઉદ્દેશ્ય વિદ્યાર્થીઓને હિંસાથી દૂર રહેવા અને શાંતિપૂર્ણ રીતે સમસ્યાઓનો ઉકેલ લાવવા માટે માર્ગદર્શન આપવાનો હતો. ઇન્સ્ટિટ્યૂટના સંચાલકોએ જણાવ્યું કે તાજેતરમાં શાળાઓમાં બનતા બનાવો ચિંતાજનક છે.