కోదాడ: క్లెయిమ్ల కోసం కోదాడలో లేబర్ కార్యాలయం ముట్టడి

Kodad, Suryapet | Sep 23, 2025

పెండింగ్లో ఉన్న తమ క్లెయిమ్లను వెంటనే విడుదల చేయాలని డిమాండ్ చేస్తూ, సూర్యాపేట జిల్లాలోని భవన నిర్మాణ కార్మికులు కోదాడలోని లేబర్ కార్యాలయాన్ని ముట్టడించారు. జిల్లాలోని 12 మండలాల నుంచి వచ్చిన సీఐటీయూ అనుబంధ కార్మిక సంఘాల సభ్యులు ఈ నిరసనలో పాల్గొన్నారు. ఈ సందర్భంగా కార్మికులు సీఐటీయూ జెండాలు, ప్లకార్డులు చేతబట్టి నినాదాలు చేశారు. అధికారులు స్పందించి తమ క్లెయిమ్లను వెంటనే క్లియర్ చేయాలని కోరారు.