ଦେବଗଡ: ପୌରାଞ୍ଚଳ ଭିତରେ ବାଇକରୁ ଖସିପଡ଼ି ଯୁବକ ଆହତ, ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି

Debagarh, Debagarh (Deogarh) | Aug 28, 2025

ଦେବଗଡ ପୌରାଞ୍ଚଳ ଭିତରେ ଗୁରୁବାର ସନ୍ଧ୍ୟାରେ ଏକ ବାଇକରୁ ପଡି ଜଣେ ଯୁବକ ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଦେବଗଡ ପୌରାଂଚଳ କାଳକାଠ ଗ୍ରାମର ପ୍ରେମାନନ୍ଦ ବାଘ(୨୭) ଗୁରୁବାର ସଂଧ୍ୟା ପ୍ରାୟ ୫ ଟା ସମୟରେ ଜଣେ ବନ୍ଧୁଙ୍କ ସହିତ ଏକ ବାଇକର ପଛପଟେ ବସି ଯାଉଥିଲେ । ତେବେ ମୂଖ୍ୟ ବଜାର ନିକଟରେ କୌଣସି କାରଣରୁ ହଠାତ ଭାରସାମ୍ୟ ହରାଇବା ସହ ପ୍ରେମାନନ୍ଦ ବାଇକରୁ ଖସିପଡି ଆହତ ହୋଇଥିଲେ । ସ୍ଥାନୀୟ ଲୋକଙ୍କ ସହାୟତାରେ ତାଙ୍କୁ ଉଦ୍ଧାର କରାଯାଇ ଚିକିତ୍ସା ନିମନ୍ତେ ଦେବଗଡ ଜିଲ୍ଲା ମୂଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ବେଳେ ଚିକିତ୍ସା ଜାରି ରହିଛି।