ಕೊಪ್ಪ: ಒಳಗೆ ನುಗ್ಗಲು ಮನೆಯ ಗೇಟ್ ಚೆಕ್ ಮಾಡಿದ ಗಜರಾಜ..!. ವಿಡಿಯೋ ನೋಡಿ ಉತ್ತಮೇಶ್ವರ ಗ್ರಾಮಸ್ಥರಿಗೆ ಟೆನ್ಶನ್..!.

Koppa, Chikkamagaluru | Aug 30, 2025

ತಾಲೂಕಿನ ಉತ್ತಮೇಶ್ವರ ಗ್ರಾಮದ ಚಿದಾನಂದ ಅವರ ಮನೆಯ ಗೇಟ್ ಬಳಿ ಆನೆ ಸಂಚರಿಸಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆ ಸಿಕ್ಕಿದೆ. ಇದೆ ವೇಳೆ ಆನೆಯು ಮನೆಯ ಗೇಟ್ ಪರಿಶೀಲಿಸಿದ್ದು ಒಳ ನುಗ್ಗುವ ಪ್ರಯತ್ನ ಮಾಡಿದೆ. ಸ್ಥಳೀಯರ ಪ್ರಕಾರ, ಕಳೆದ ಕೆಲವು ದಿನಗಳಿಂದ ಈ ಭಾಗದಲ್ಲಿ ಆನೆಗಳು ನಿರಂತರವಾಗಿ ಓಡಾಡುತ್ತಿದ್ದು, ಶನಿವಾರ ಸಂಜೆ 5 ಗಂಟೆ ಸುಮಾರಿಗೆ ಸಿ.ಸಿ ಪರಿಶೀಲಿಸಿದಾಗ ಘಟನೆ ಬೆಳಕಿಗೆ ಬಂದಿದೆ. ಇದರಿಂದಾಗಿ ಜನರು ಮನೆಯ ಮಾಲೀಕರು ಭಯಭೀತರಾಗಿದ್ದು, ಕಾಫಿ ತೋಟಗಳು ಹಾಗೂ ಗದ್ದೆಗಳಿಗೆ ಹಾನಿ ಉಂಟಾಗುವ ಭಯವೂ ವ್ಯಕ್ತವಾಗಿದೆ. ಹೀಗಾಗಿ ಅರಣ್ಯ ಇಲಾಖೆ ಗ್ರಾಮಸ್ಥರಿಗೆ ಎಚ್ಚರಿಕೆ ನೀಡಿ, ರಾತ್ರಿ ಸಮಯದಲ್ಲಿ ಅನಗತ್ಯವಾಗಿ ಹೊರಗೆ ಹೋಗಬಾರದು ಹಾಗೂ ವಾಹನದಲ್ಲಿ ಸಂಚರಿಸುವಾಗ ಎಚ್ಚರಿಕೆಯಿಂದ ಇರಬೇಕೆಂದು ಸೂಚಿಸಿದೆ