जळगाव: एमआयडीसीतील बालाजी इंडस्ट्रिज कंपनीजवळ तरूणावर जीवघेणा हल्ला; एमआयडीसी पोलीसात दोघांवर गुन्हा दाखल

Jalgaon, Jalgaon | Sep 2, 2025

एमआयडीसी परिसरात बालाजी इंडस्ट्रीज कंपनीजवळ एका तरुणावर दोन अज्ञात व्यक्तींनी जीवघेणा हल्ला केला. कंपनीत कामासाठी जात असताना रस्त्यात अडवून त्याला शिवीगाळ करत लाथाबुक्क्यांनी मारहाण करण्यात आली. आरोपींनी धारदार वस्तूने वार करून तरुणाला गंभीर जखमी केले. ही घटना सोमवारी, १ सप्टेंबर रोजी सायंकाळी ७ वाजता घडली असून, या प्रकरणी रात्री १० वाजता एमआयडीसी पोलीस ठाण्यात दोन आरोपींविरुद्ध गुन्हा दाखल करण्यात आला आहे.