ദേവികുളം: അടിമാലി വാളറയിൽ ടൂറിസം വകുപ്പിന് കീഴിലുള്ള വഴിയോര വിശ്രമകേന്ദ്രം കാടുകയറി നശിക്കുന്നു #localissue

Devikulam, Idukki | Sep 24, 2025

1997 ഫെബ്രുവരി 27നാണ് വാളറയില്‍ ടൂറിസം വകുപ്പിന് കീഴിലുള്ള വഴിയോര വിശ്രമ കേന്ദ്രത്തിന്റെ ഉദ്ഘാടനം നടന്നത്. എന്നാല്‍ വര്‍ഷം പലത് പിന്നിടുമ്പോഴും ഈ പദ്ധതിയുമായി ബന്ധപ്പെട്ട കെട്ടിട, സ്ഥല സൗകര്യങ്ങള്‍ ഇനിയും ടൂറിസം വകുപ്പ് വേണ്ടവിധം പ്രയോജനപ്പെടുത്തിയിട്ടില്ല. മുമ്പ് സ്വകാര്യ വ്യക്തികള്‍ക്ക് കരാര്‍ അടിസ്ഥാനത്തില്‍ വാടകക്ക് നല്‍കിയായിരുന്നു ഈ കേന്ദ്രം പ്രവര്‍ത്തിച്ച് വന്നിരുന്നത്. നിലവില്‍ കേന്ദ്രം അടഞ്ഞ് കിടക്കുകയാണ്. കെട്ടിടവും പരിസരപ്രദേശങ്ങളും കാട് കയറി മുടിയിട്ടുള്ള സ്ഥിതിയുമുണ്ട്. പരിപാലനമില്ലാതെ കിടന്നാല്‍ ലക്ഷങ്ങള്‍ മുടക്കി നിര്‍മ്മിച്ച കെട്ടിടം നാശത്തിലേക്ക് കൂപ്പുകുത്തും.