പാലക്കാട്: ഓണാഘോഷത്തിന് പോകുമ്പോൾ അജ്ഞാത വാഹനമിടിച്ച് അധ്യാപികക്ക് ദാരുണാന്ത്യം, അപകടം കഞ്ചിക്കോട്

Palakkad, Palakkad | Sep 1, 2025

ഓണാഘോഷത്തിൽ പങ്കെടുക്കാൻ പോകുമ്പോൾ സ്കൂട്ടർ അപകടത്തിൽപ്പെട്ട് അധ്യാപിക മരിച്ചു. കോയമ്പത്തൂരിലെ സ്വകാര്യ കോളജ് അധ്യാപികയായ പാലക്കാട് ചക്കാന്തറ കൈക്കുത്തുപറമ്പ്  സ്വദേശിനി ആൻസി (36) ആണ് മരിച്ചത്.തിങ്കളാഴ്ച രാവിലെ ദേശീയപാതയിൽ കഞ്ചിക്കോട് റെയിൽവേ സ്റ്റേഷൻ ജംക്‌ഷനു സമീപമാണ് അപകടം. ഇടിയുടെ ആഘാതത്തിൽ റോഡിലേക്ക് തെറിച്ചു വീണ ആൻസിയുടെ കൈ വേർപ്പെട്ട നിലയിലായിരുന്നു. ഇടിച്ച വാഹനം കണ്ടെത്താനായില്ല. മൃതദേഹം ജില്ലാ ആശുപത്രി മോർച്ചറിയിലേക്ക് മാറ്റി.