కథలాపూర్: డ్రైనేజీలో ఇరుక్కుపోయిన టిప్పర్ లారీ.. తప్పిన పెను ప్రమాదం

Kathlapur, Jagtial | Aug 22, 2025

జగిత్యాల జిల్లా వేములవాడ నియోజకవర్గం పరిధిలోని కథలాపూర్ మండలం తాండ్రియాల గ్రామంలో బేస్మెంట్ రాయి లోడుతో వెళ్తున్న టిప్పర్ వాహనం శుక్రవారం సాయంత్రం మురికి కాలువలో ఇరుక్కుపోయింది. రోడ్డు పక్కన ఉన్న మురికి కాలువలో టిప్పర్ టైర్ ఇరుక్కుపోయి ఓ ఇంటికి వాలింది. దీంతో కాసేపు గ్రామంలో రాకపోకలు నిలిచిపోయాయి. ఇతర వాహనంతో టిప్పర్ ను అక్కడి నుంచి తీసివేశారు. గ్రామాల్లో రోడ్లు ఇరుకుగా ఉండడంతో ఇలాంటి ప్రమాదాలు జరుగుతున్నాయని స్థానికులు తెలిపారు. ఈ ప్రమాదంలో ఎవరికి ఏమి కాకపోవడంతో స్థానికులు ఊపిరిపించుకున్నారు.