ചിറ്റൂർ: ദുർമന്ത്രവാദം, കൊഴിഞ്ഞാമ്പാറ പുഴയിൽ മന്ത്രവാദിയും യുവാവും മുങ്ങി മരിച്ചു

Chittur, Palakkad | Sep 13, 2025

കൊഴിഞ്ഞാമ്പാറയിൽ ദുർമന്ത്രവാദ ശേഷം പുഴയിലേക്ക് ഇറങ്ങിയ മന്ത്രവാദിയും യുവാവും മുങ്ങി മരിച്ചു. കൊഴിഞ്ഞാമ്പാറ സ്വദേശി ഹസൻ മുഹമ്മദ്,കോയമ്പത്തൂർ സ്വദേശി യുവരാജ് എന്നിവരാണ് മരിച്ചത്. ഇന്ന് ഉച്ചയോടെയാണ് സംഭവം. കൊഴിഞ്ഞാമ്പാറ കുലുക്കപ്പാറയിലെ പുഴയിലാണ് അപകടം. കൊഴിഞ്ഞാമ്പാറ പള്ളിത്തെരുവിലെ ഹസൻ മുഹമ്മദിൻറെ വീട്ടിലാണ് ദുർമന്ത്രവാദ ക്രിയകൾ നടന്നത്. ശേഷം പുഴയിലേക്ക് മന്ത്രവാദിയായ ഹസൻ മുഹമ്മദും പരിഹാരക്രിയയ്ക്ക് എത്തിയ 18 കാരൻ യുവരാജും പുഴയിലേക്ക് ഇറങ്ങിയപ്പോഴാണ് അപകടം.