ചിറ്റൂർ: ഓണാവധിക്ക് നാട്ടിലേക്ക് വരവേ നെന്മാറ വിത്തനശേരിയിൽ ബൈക്കുകൾ കൂട്ടിയിടിച്ചു യുവാവിന് ദാരുണാന്ത്യം

Chittur, Palakkad | Sep 4, 2025

നെന്മാറ  വിത്തനശേരിയിൽ ബൈക്കുകൾ കൂട്ടിയിടിച്ചു ആണ് അപകടം. കൊല്ലങ്കോട് കുതിരമൂളി കിഴക്കേ നെന്മേനിയിൽ ശശികുമാറിന്റെ മകൻ കാർത്തികേയൻ (24) ആണ് മരിച്ചത്. തൃശൂരിൽ സ്വർണപ്പണിക്കാരനായ കാർത്തികേയൻ ജോലി കഴിഞ്ഞ് ഓണാവധിക്കു വീട്ടിലേക്കു വരുന്ന വഴിയിൽ എതിരെ വന്ന ബൈക്കിൽ ഇടിച്ചു വീഴുകയായിരുന്നു. തലയ്ക്കു ഗുരുതര പരുക്കേറ്റു രക്തം വാർന്നു കിടന്ന കാർത്തികേയനെ ഉടനെ നെന്മാറയിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.