माळशिरस: अकलूज येथून बचत गटाच्या समन्वयकाकडील ८ लाख ७५ हजारांची बॅग लंपास, अकलूज पोलीस ठाण्यात तक्रार दाखल

Malshiras, Solapur | Sep 1, 2025

अकलुज येथील बँक ऑफ इंडिया शाखेतून बचत गटाचे १० लाख रुपये काढल्यानंतर गट समन्वयक मनिषा रविंद्र गवळी (रा. यशवंतनगर, माळशिरस) यांच्याकडील पैशांची बॅग अज्ञात चोरट्याने पळवून नेली. या बॅगेत ८ लाख ७५ हजार रुपये रोख रक्कम तसेच १० हजार रुपयांचा मोबाईल फोन होता. २९ ऑगस्ट रोजी दुपारी बँकेबाहेर स्कूटीजवळ ठेवलेली बॅग एका अनोळखी युवकाने उचलून नेली. गवळी दाम्पत्याने पाठलाग केला, परंतु तो फरार झाला. या प्रकरणी अकलुज पोलीस ठाण्यात तक्रार दाखल करण्यात आली असून पुढील तपास सुरू आहे.