वडवणी: वडवणीच्या सरकारी वकील आत्महत्या प्रकरणात समोर आला ई-मेलचा नवा ट्विस्ट, सर्वोच्च न्यायालयाने घेतली दखल

Wadwani, Beed | Aug 25, 2025

बीड जिल्ह्यातील वडवणी येथे घडलेल्या धक्कादायक घटनेमुळे संपूर्ण जिल्हा हादरून गेला आहे. वडवणी येथील स्थानिक न्यायालयात सरकारी वकील विनायक चंदेल यांनी खिडकीला दोरी बांधून आत्महत्या करून आपले जीवन संपवले. अचानक घडलेल्या या घटनेची माहिती मिळताच पोलिसांनी तातडीने घटनास्थळी धाव घेतली आणि त्यांचा मृतदेह ताब्यात घेतला. न्यायालयाच्या आवारात घडलेल्या या आत्महत्येमुळे परिसरात एकच खळबळ उडाली होती. या प्रकरणाचा तपास सुरू असतानाच एक नवा धक्कादायक ट्विस्ट समोर आला आहे.