भद्रावती: यशवंतराव शिंदे कनिष्ठ महाविद्यालयाचा व्हॉलीबॉल संघ जिल्हास्तरावर.

Bhadravati, Chandrapur | Sep 9, 2025

महाराष्ट्र राज्य क्रिडा संचालनालय पुणे व जिल्हा क्रिडा अधिकारी चंद्रपूर यांच्या संयुक्त विद्यमाने तालुका क्रिडा संकुलनात पार पडलेल्या तालुकास्तरीय व्हॉलीबॉल स्पर्धेत येथील यशवंतराव शिंदे कनिष्ठ महाविद्यालयाच्या १९ वर्षांखालील वयोगटातील मुलांच्या व्हॉलीबॉल संघाने आपल्या प्रतिस्पर्धी संघावर मात करुन जिल्हास्तरावर प्रवेश मिळविला आहे. चंद्रपूर येथे होणाऱ्या जिल्हास्तरीय व्हॉलीबॉल स्पर्धेत सदर संघ भद्रावती तालुक्याचे प्रतिनिधित्व करणार आहे. विजयी संघाचे अभिनंदन करण्यात येत आहे.