തൃശൂർ: മദ്യലഹരിയിൽ കണ്ണില്ലാത്ത ക്രൂരത, തൈക്കാട്ടുശേരിയിൽ സ്കൂട്ടറിൽ നായയെ ചങ്ങല കൊണ്ട് കെട്ടി വലിച്ച് യാത്ര

Thrissur, Thrissur | Aug 21, 2025

തൃശൂരിൽ മദ്യലഹരിയിൽ  സ്കൂട്ടറിനു പിന്നിൽ നായയെ ചങ്ങല കൊണ്ട് കെട്ടി വലിച്ച് യാത്ര ചെയ്ത യുവാവിനെ നാട്ടുകാർ തടഞ്ഞു. വിവരമറിഞ്ഞ് പോലീസ് എത്തുന്നതിനു മുൻപേ യുവാവ് ഓടി രക്ഷപ്പെട്ടു. യുവാവിനായി ഒല്ലൂർ പോലീസ് അന്വേഷണം ആരംഭിച്ചു. ഇന്ന് വൈകിട്ട് 4 നു തൈക്കാട്ടുശേരി സെൻ്ററിലാണ് സംഭവം. ചെറുശേരി ഭാഗത്തു നിന്നു തൈക്കാട്ടുശേരിയിലേക്ക് ഒരു യുവാവ് നായയെ കെട്ടി വലിച്ച് കൊണ്ട് സ്കൂട്ടറിൽ വരുന്നത് കണ്ട് നാട്ടുകാർ തടയുകയായിരുന്നു.