പട്ടാമ്പി: നാഗലശ്ശേരി സ്കൂൾ സ്റ്റോപ്പ് പരിസരത്ത് സ്വകാര്യ ബസ്സും ജീപ്പും കൂട്ടിയിടിച്ച് അപകടം

Pattambi, Palakkad | Sep 11, 2025

തൃത്താല നാഗലശ്ശേരിയിൽ സ്വകാര്യ ബസ്സും ജീപ്പും കൂട്ടിയിടിച്ച് അപകടം. ഇന്ന് രാത്രി 7 മണിയോടുകൂടിയാണ് സംഭവം. നാഗലശ്ശേരി ഹൈസ്കൂൾ  ബസ് സ്റ്റോപ്പ്‌ പരിസരത്താണ് അപകടം ഉണ്ടായത്. ഇടിയുടെ ആഘാതത്തിൽ ജീപ്പിൻ്റെ മുൻവശം പൂർണമായും തകർന്നു. ബസിന്റെ ഒരു വശവും തകർന്നു. പട്ടാമ്പി ഭാഗത്തേക്ക്‌ പോവുകയായിരുന്ന രാജപ്രഭ ബസും അതേദിശ യിൽ പോവുകയായിരുന്ന ജീപ്പുമാണ് ഇടിച്ചത്. അപകടത്തിൽ ആർക്കും പരിക്കില്ല. ചാലിശ്ശേരി പോലീസ് സ്ഥലത്തെത്തി മേൽ നടപടികൾ സ്വീകരിച്ചു.