ગોધરા: ભરૂચના પાલેજ સબ સ્ટેશનની એલ્યુમિનિયમ કંડકટર વાયર ચોરી કેસનો નાસતો ફરતો આરોપી પોલીસે કેસરી સર્કલ પાસેથી ઝડપી પાડ્યો

Godhra, Panch Mahals | Sep 11, 2025

ભરૂચ જિલ્લાના પાલેજ સબ સ્ટેશનમાંથી એલ્યુમિનિયમ કંડકટર વાયર ચોરી કેસનો નાસતો ફરતો આરોપી ગોધરા શહેર બી ડિવિઝન પોલીસે ઝડપી લીધો છે. આરોપી ઈરફાન યાકુબ બકકર ઉર્ફે લાલો કેસરી સર્કલ નજીક જોવા મળ્યો હોવાની બાતમી મળતા પોલીસે સ્થળ પર પહોંચી કોર્ડન કરી તેને કાબુમાં લીધો. તપાસમાં સામે આવ્યું કે તે પાલેજ જેટકો સબ સ્ટેશનમાંથી વાયર ચોરી કેસમાં સંડોવાયેલો હતો અને લાંબા સમયથી ફરાર હતો. પોલીસે આરોપીને પકડી આગળની કાયદેસરની કાર્યવાહી શરૂ કરી છે.