ಗುಂಡ್ಲುಪೇಟೆ: ಮದ್ದಯ್ಯನಹುಂಡಿ ಸುತ್ತಮುತ್ತಲು ಹುಲಿ‌ ಸೆರೆಗೆ ಮುಂದುವರೆದ ಕೂಂಬಿಂಗ್- ಸಿಗದ ವ್ಯಾಘ್ರನ ಸುಳಿವು

Gundlupet, Chamarajnagar | Sep 6, 2025

ಗುಂಡ್ಲುಪೇಟೆ ತಾಲೂಕಿನ‌ ಮದ್ದೂರು ಅರಣ್ಯ ವ್ಯಾಪ್ತಿಯಲ್ಲಿ ಹುಲಿ ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಅರಣ್ಯ ಇಲಾಖೆ ಎರಡನೇ ದಿನದ ಕೂಂಬಿಂಗ್ ನಡೆಸುತ್ತಿದ್ದಾರೆ. ಶನಿವಾರದಂದು ಮದ್ದಯ್ಯನಹುಂಡಿ, ಬೇರಂಬಾಡಿ, ಚೆನ್ನಮಲ್ಲಿಪುರ ವ್ಯಾಪ್ತಿಯಲ್ಲಿ ಎಸ್ ಟಿಪಿಎಫ್ ಮದ್ದೂರು ವಲಯ ಸಿಬ್ಬಂದಿ ರೋಹಿತ್ ಆನೆಯನ್ನು ಬಳಕೆ ಮಾಡಿಕೊಂಡು ಹುಲಿ ಸೆರೆ ಕಾರ್ಯಾಚರಣೆ ಪ್ರಾರಂಭಿಸಿದ್ದು ಡ್ರೋನ್ ಮೂಲಕವು ಹುಲಿ ಪತ್ತೆ ಕಾರ್ಯ ನಡೆಸುತ್ತಿದ್ದಾರೆ. ಒಟ್ಟು 62 ಮಂದಿ ಅರಣ್ಯ ಸಿಬ್ಬಂದಿಗಳು ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದಾರೆ. ಆದರೆ ಇಲ್ಲಿಯತನಕ ಹುಲಿ ಕಾಣಿಸಿಕೊಂಡಿಲ್ಲ.