വടകര: സർക്കാർ ഓഫീസിൽ ജീവനക്കാരൻ തൂങ്ങിമരിച്ച നിലയിൽ, സംഭവം തൂണേരി ബ്ലോക്ക് പഞ്ചായത്ത് ഓഫീസിൽ

Vatakara, Kozhikode | Aug 25, 2025

വടകര: തൂണേരി ബ്ലോക്ക് പഞ്ചായത്ത് ഓഫീസിലെ പാർട്ട് ടൈം ജീവനക്കാരൻ കക്കട്ട് സ്വദേശി രാജനെ(54)യാണ് മരിച്ച നിലയിൽ കണ്ടെത്തിയത്. ഇന്ന് രാവിലെ എട്ടരക്ക് ഓഫീസ് വൃത്തിയാക്കി സമീപത്തെ ക്ഷീരവികസന ഓഫീസിന്റെ മുകൾഭാഗം ശുചീകരിക്കാൻ കയറിയതായിരുന്നു രാജൻ. എന്നാൽ, ഉച്ചയ്ക്ക് ഓണാഘോഷ പരിപാടിയുടെ റിഹേഴ്‌സലിനായി ജീവനക്കാർ മുകൾ നിലയിൽ കയറിയപ്പോഴാണ് രാജനെ തൂങ്ങി മരിച്ച നിലയിൽ കണ്ടെത്തിയത്. നാദാപുരം പോലീസ് സ്ഥലത്തെത്തി തുടർ നടപടികൾ സ്വീകരിച്ചു.