ગોધરા: ગોધરાની ફેમિલી કોર્ટ ધ્વારા ભરણપોષણ ન ચુકવતા પતિને ૬૩૦ દિવસની કેદની સજાનો હુકમ કરતા ચકચાર મચી જવા પામ્યો છે.

Godhra, Panch Mahals | Sep 9, 2025

ગોધરાની ફેમીલી કોર્ટે ભરણપોષણ ન ચૂકવનાર કલ્પેશભાઈ મણીલાલ રાવલને ૬૩૦ દિવસની કેદની સજા ફટકારી છે. તેમની પત્ની સ્મીતાબેનને દહેજની માંગણી અને માનસિક ત્રાસ બાદ ઘરેથી કાઢી મુકવામાં આવી હતી, જેના પગલે તેમણે ભરણપોષણ માટે કોર્ટનો સહારો લીધો. કોર્ટના આદેશ છતાં કલ્પેશભાઈએ એક પણ રકમ ચૂકવી નહોતી, જેના કારણે કુલ રૂ. ૧,૫૯,૦૦૦ બાકી રહ્યા હતા. ઘણી તક મળ્યા છતાં ચુકવણી ન થતાં કોર્ટએ સજા ફરમાવી. હાલમાં આરોપી પોલીસ પકડથી દૂર રહી ફરાર છે અને વોન્ટેડ જાહેર થયો છે.