ಹನೂರು: ಪಿಜಿಪಾಳ್ಯ-ಚಿಕ್ಕರಂಗಶೆಟ್ಟಿದೊಡ್ಡಿಯಲ್ಲಿ ಚಿರತೆ ಸಂಚಾರ ಗ್ರಾಮಸ್ಥರಲ್ಲಿ ಭೀತಿ

Hanur, Chamarajnagar | Sep 13, 2025

ಹನೂರು:ತಾಲೂಕಿನ ಪಿಜಿಪಾಳ್ಯ ಸಮೀಪದ ಚಿಕ್ಕರಂಗಶೆಟ್ಟಿದೊಡ್ಡಿ ಗ್ರಾಮ ಹಾಗೂ ಸುತ್ತಮುತ್ತಲ ಪ್ರದೇಶದಲ್ಲಿ ಚಿರತೆ ಸಂಚಾರದಿಂದ, ಗ್ರಾಮಸ್ಥರಲ್ಲಿ ಭೀತಿಯ ವಾತಾವರಣ ನಿರ್ಮಾಣವಾಗಿದೆ. ಕಳೆದ ಒಂದು ವಾರದಿಂದ ರಾತ್ರಿ ವೇಳೆ ಚಿರತೆ ಗೋಚರಿಸುತ್ತಿರುವ ಘಟನೆಗಳು ಪುನಾರಾವೃತವಾಗುತ್ತಿವೆ. ಗ್ರಾಮದವರು ತಮ್ಮ ಜಮೀನಿಗೆ ಬೆಳೆಕಾವಲು ಹೋಗುವ ಸಂದರ್ಭದಲ್ಲಿಯೂ ಭಯದಿಂದಲೆ ಹಿಂಜರಿಯುತ್ತಿರುವುದಾಗಿ ತಿಳಿಸಿದ್ದಾರೆ. ಇದಲ್ಲದೆ, ರಾತ್ರಿ ಸಮಯದಲ್ಲಿ ರಸ್ತೆಯಲ್ಲಿ ಸಂಚರಿಸುವ ದ್ವಿಚಕ್ರ ವಾಹನ ಸವಾರರು ಕೂಡ ಎಚ್ಚರಿಕೆಯಿಂದ ಸಂಚರಿಸಬೇಕಾದ ಪರಿಸ್ಥಿತಿ ಉಂಟಾಗಿದೆ.ಈ ಬಗ್ಗೆ ಗ್ರಾಮಸ್ಥರು ಕಳವಳ ವ್ಯಕ್ತಪಡಿಸಿದ್ದಾರೆ.