చెత్త డంపింగ్ యార్డ్ తక్షణమే తొలగించాలని సీపీఎం డిమాండ్

Chodavaram, Anakapalli | Aug 31, 2025

అనకాపల్లి జిల్లా చోడవరం నియోజకవర్గ పరిధిలో గల రావికమతం అంబేద్కర్ కాలనీ, తహశీల్దార్ కార్యాలయం వద్ద గల చెత్త డంపింగ్ యార్డ్ వలన ప్రజలు దుర్వాసనతో ఇబ్బందులు పడుతున్నారని సీపీఎం జిల్లా కార్యవర్గ సభ్యుడు కే.గోవిందరావు అన్నారు. ఆదివారం ఈ డంపింగ్ యార్డ్ వద్ద సీపీఎం ఆధ్వర్యంలో నిరసన తెలిపారు. గ్రామాలకు దూరంగా ఉండాల్సిన డంపింగ్ యార్డ్ను గ్రామానికి మధ్యలో ఏర్పాటు చేయడం అన్యాయమన్నారు. వారం రోజుల్లో తొలగించకపోతే ఆందోళన మరింత ఉద్రిక్తం చేస్తామన్నారు.