କଟକ ପୌରାଞ୍ଚଳ: ଭଦ୍ରେଶ୍ଵର ହଳଦିଆରେ ନବବଧୂ ହତ୍ୟା ଅଭିଯୋଗ, ସ୍ବାମୀ ଅଟକ

Cuttack M Corp PS, Cuttack | Aug 29, 2025

କଟକ ଜିଲ୍ଲା ଭଦ୍ରେଶ୍ୱର ଥାନା ଅର୍ନ୍ତଗତ ହଳଦିଆ ପଞ୍ଚାୟତରେ ନବବଧୂ ହତ୍ୟା ଅଭିଯୋଗ ହୋଇଛି। ଏହି ଅଭିଯୋଗ କରିଛନ୍ତି ମୃତ ନବ ବିବାହିତା ମହିଳାଙ୍କ ପରିବାର ଲୋକେ। ଭଦ୍ରେଶ୍ୱର ଥାନାରେ ଏତଲା ଦେବା ପରେ ପୋଲିସ ମୃତକଙ୍କ ସ୍ୱାମୀକୁ ଉଠେଇ ନେଇଛି। ଶୁକ୍ରବାର ସନ୍ଧ୍ୟା ୫ ଟା ସମୟରେ ମୃତ ମହିଳାଙ୍କ ସ୍ବାମୀଙ୍କୁ ଅଟକ ରଖି ପଚରାଉଚରା କରୁଛି ପୋଲିସ। ତେବେ ଗୁରୁବାର ବିଳମ୍ବିତ ରାତିରେ ହଳଦିଆ ପଞ୍ଚାୟତରେ ଥିବା ଘରୁ ମଧୁସ୍ମିତା ଦାସଙ୍କ ଝୁଲନ୍ତା ଅବସ୍ଥାରେ ମୃତଦେହ ଦେଖିବାକୁ ମିଳିଥିଲା। ଏ ନେଇ ଥାନାରେ ଏତଲା ପରେ ପୋଲିସ ଆଜି ମୃତଦେହ ଉଦ୍ଧାର କରି ତଦନ୍ତ ଆରମ୍ଭ କରିଛି।