જામનગર શહેર: સપડામા શ્રી સિદ્ધિવિનાયક ગણપતિ મંદિરે ગણેશ ચતુર્થી નિમિત્તે ભક્તોએ પદયાત્રા કરી મનોકામના પૂર્ણ કરી

Jamnagar City, Jamnagar | Aug 27, 2025

જામનગર નજીક આવેલા સપડા ગામ પાસે શ્રી સિદ્ધિવિનાયક મંદિર આજે ગણેશ ચતુર્થીના શુભ દિવસે શ્રદ્ધાળુઓનાં સમુદ્રે છલકાઈ ઉઠ્યું હતું. દૂર-દૂરથી આવેલા ભક્તોએ પગપાળા પદયાત્રા કરીને ગણપતિ બાપાના દર્શન કરી ધન્યતા અનુભવી હતી. વહેલી સવારથી જ મંદિર પરિસરમાં ભક્તોની લાંબી કતારો જોવા મળી હતી. આસ્થાળુઓએ ધૂપ-દીપ, ફૂલ, મોદક અને અન્ય પ્રસાદ સાથે ગણપતિ બાપાની પૂજા અર્ચના કરી હતી. મંદિરમાં વ્યાપેલો ભક્તિનો માહોલ અનુપમ હતો.