ഉടുമ്പൻചോല: പുഷ്പകണ്ടത്ത് നിന്ന് 270 ലിറ്റർ കോട കണ്ടെത്തി നശിപ്പിച്ച് എക്സൈസ് സംഘം

Udumbanchola, Idukki | Aug 26, 2025

ഉടുമ്പന്‍ചോല എക്‌സൈസ് റേഞ്ച് ഓഫീസിലെ അസിസ്റ്റന്റ് എക്സൈസ് ഇന്‍സ്പെക്ടര്‍ പി ജി രാധാക്യഷ്ണന്റെ നേതൃത്വത്തില്‍ നടത്തിയ പരിശോധനയിലാണ് കോട കണ്ടെത്തിയത്. താമസയോഗ്യമല്ലാത്ത വീട്ടിലാണ് കന്നസുകളിലായി 270 ലിറ്റര്‍ കോട സൂക്ഷിച്ചിരുന്നത്. കഴിഞ്ഞ ദിവസം സമീപ പ്രദേശത്തുനിന്നും 15 ലിറ്റര്‍ ചാരായവുമായി രണ്ട് പേരെ അറസ്റ്റ് ചെയ്തിരുന്നു. ഈ കേസുമായി ബന്ധമുണ്ടോ എന്ന് അന്വേഷിച്ചു വരികയാണ്.