ବରଗଡ ସଦର: ଗୁରୁଦ୍ବାରା ଛକ ଠାରେ ସହୀଦ ଭଗତ ସିଂ ଙ୍କ ପ୍ରତିମୂର୍ତ୍ତି ସ୍ଥାପନ ପାଇଁ ଭୂମି ପୂଜନ ଅନୁଷ୍ଠିତ

Bargarh Sadar, Bargarh (Baragarh) | Nov 4, 2024

ସୋମବାର ଦିବା 11 ଘଣ୍ଟା ସମୟରେ ବରଗଡ଼ର ସ୍ଥାନୀୟ ଗୁରୁଦ୍ୱାରା ଛକ ଠାରେ ସହୀଦ ଭଗତ ସିଂ ଙ୍କ ପ୍ରତିମୂର୍ତ୍ତି ସ୍ଥାପନ ପାଇଁ ଭୂମି ପୂଜନ ଅନୁଷ୍ଠିତ ହୋଇଯାଇଛି | ଏହି ଅବସରରେ ଓଡିଶା ଅଭିଭାବକ ମହାସଂଘ ବରଗଡ଼ ଜିଲ୍ଲାର ସଭାପତି ବିମଳ କୁମାର ଦାଶ ନଡ଼ିଆ ଭାଙ୍ଗି ଓ ରାଜ ମିସ୍ତ୍ରୀଙ୍କୁ ଉପଢୌକନ ଦେଇ କାର୍ଯ୍ୟର ଶୁଭାରମ୍ଭ କରିଥିଲେ । ଏହି ଅବସରରେ ମହାସଂଘର ସାଧାରଣ ସମ୍ପାଦକ ସାରଥୀ ମେହେର,ବାଲ୍ମିକୀ ଷଡ଼ଙ୍ଗୀ,ଗୋପୀନାଥ ସାହୁ, ଅମୀୟ ଦାଶ,ଗୁରୁଦ୍ୱାରା କମିଟିର ସଭାପତି ସୁଖୱନ୍ତ ସିଂ ତଥା କମିଟିର ଅନ୍ୟାନ୍ୟ ବରିଷ୍ଟ ସଦସ୍ୟ ଓ ସ୍ଥାନୀୟ ନାଗରିକ ମାନେ ଉପସ୍ଥିତ ଥିଲେ ।