મોરબી: મોરબીના ટીંબડીના પાટિયા પાસે હાઇવે પર પાણી ભરેલા ખાડાથી ગંભીર અકસ્માતની ભીતિ, એક કાર નમી ગઈ

Morvi, Morbi | Aug 22, 2025

મોરબી નજીક ટીંબડીના પાટિયા પાસે હાઇવે ઉપર મસ મોટા ખાડા મોટો અકસ્માત સર્જે તેવી ભીતિ સેવાઈ રહી છે. આજે એક કાર અહીં નમી ગઈ હતી. સદનસીબે કોઈ હાનિ થઈ ન હતી. પરંતુ જો તંત્ર દ્વારા આ ખાડા પૂરવાની કામગીરી કરવામાં નહીં આવે તો આ બેદરકારી જીવલેણ બનશે. વધુમાં અહીં ખાડાઓ અને પાણીના ભરાવાને કારણે દરરોજ ટ્રાફિકજામની પણ સમસ્યા સર્જાય છે. આજે પણ ટીંબડીના પાટીયેથી લઈને ભરતનગર સુધી વાહનોની કતારો લાગી હતી.