घरफोडी करणाऱ्या विधी संघर्षित बालकाला भद्रकाली पोलिसांनी वडाळा गाव येथे ताब्यात घेतले असून चोरीतील 2 लाख 53 हजारांचा मुद्देमाल हस्तगत करण्यात पोलिसांना यश आले आहे.भद्रकाली पोलीस ठाणे हद्दीत घरफोडीचा गुन्हा दाखल करण्यात आला होता.समांतर शोध सुरू असताना तांत्रिक विश्लेषणाच्या आधारे व सीसीटीव्ही कॅमेऱ्याच्या आधारे सहाय्यक पोलीस निरीक्षक सत्यवान पवार व गुन्हे शोध पथकाने एका विधी संघर्षित बालकाला ताब्यात घेतले आहे.