തലശ്ശേരി: കണ്ടക്ടറെ മർദ്ദിച്ചതിൽ പ്രതിഷേധിച്ച് തുടങ്ങിയ തലശേരി - തൊട്ടിൽപാലം റൂട്ടിലെ സ്വകാര്യ ബസ് പണിമുടക്ക് പിൻവലിച്ചു

Thalassery, Kannur | Aug 1, 2025

കണ്ണൂർ: തലശേരി_ തൊട്ടിൽപാലം റൂട്ടിൽ ബസ് തൊഴിലാളികൾ നടത്തിവന്നിരുന്ന സ്വകാര്യ ബസ് പണിമുടക്ക് പിൻവലിച്ചു. ബസ് തൊഴിലാളികൾ, സംയുക്ത തൊഴിലാളി യൂനിയൻ, ബസ് ഉടമകൾ എന്നിവർ തലശേരി എ.സി.പിയുടെ സാന്നിദ്ധ്യത്തിൽ വെള്ളിയാഴ്ച്ച പകൽ 12.30 ഓടെ നടത്തിയ ചർച്ചയിലാണ് ബസ് പണിമുടക്ക് പിൻവലിക്കാൻ ധാരണയായത്. കണ്ടക്ടറെ ആക്രമിച്ച കേസിലെ ഏഴു പ്രതികളെയും ഉടൻ അറസ്റ്റുചെയ്യുമെന്ന് പൊലിസ് അറിയിച്ചു.