ഇടുക്കി: വാഴത്തോപ്പ് മണിയാറൻകുടിയിൽ വീടിനുള്ളിൽ പ്രസവം, കുട്ടി മരിച്ചു

Idukki, Idukki | Sep 8, 2025

മണിയാറന്‍കുടി അനകൊമ്പന്‍ സ്വദേശി വിജിയാണ് വീട്ടില്‍ വച്ച് പ്രസവിച്ചത്. ആരോഗ്യ പ്രവര്‍ത്തകരുടെ നിര്‍ദ്ദേശം ഉണ്ടായിട്ടും വിജിയെ ആശുപത്രിയില്‍ പ്രവേശിപ്പിക്കാന്‍ ഭര്‍ത്താവ് തയ്യാറായില്ലന്നാണ് വിവരം. സംഭവമറിഞ്ഞ് ഇടുക്കി പൊലീസും വാഴത്തോപ്പിലെ ആരോഗ്യ പ്രവര്‍ത്തകരും സ്ഥലത്തെത്തി. യുവതിയെ ഇടുക്കി മെഡിക്കല്‍ കോളേജില്‍ പ്രവേശിപ്പിച്ചു. കുട്ടിയുടെ മൃതദേഹം മെഡിക്കല്‍ കോളേജ് മോര്‍ച്ചറിയിലേക്ക് മാറ്റി. പോലീസ് അസ്വാഭാവിക മരണത്തിന് കേസെടുത്തു. വിശ്വാസ പ്രകാരമാണ് ആശുപത്രിയില്‍ ചികിത്സ തേടാത്തതെന്നാണ് പോലീസിന് ലഭിച്ച സൂചന.