लातूर: लातूर जिल्ह्यात अतिवृष्टीमुळे भीषण स्थिती; 36 महसूल मंडळात पावसाचा प्रकोप, 8 तालुक्यात धुमाकूळ

Latur, Latur | Aug 29, 2025

लातूर -मागील दोन दिवसापासून लातूर जिल्ह्यात पावसाच्या जोरदार सरी कोसळत आहेत. जणू आभाळ फाटले अशी परिस्थिती जिल्ह्यात निर्माण झाली आहे. मागील 24 तासात जिल्ह्यातील तब्बल 36 महसूल मंडळामध्ये,तर दहा तालुक्यांपैकी आठ तालुक्यांमध्ये अतिवृष्टीची नोंद झाली आहे. गेल्या 24 तासात सरासरी 91.8 मिलीमीटर पाऊस कोसळला असून नदी, नाले तुडुंब झाले आहेत. पुराचे पाणी शेतात घुसून पिकांचेही मोठ्या प्रमाणात नुकसान झाले आहे.