चंद्रपूर: बैलबंडीवर वीज पडून शेतकरी जखमी ;जिल्ह्यातील धानोली शेत शिवारातील घटना

Chandrapur, Chandrapur | Sep 10, 2025

शेतातून बैलबंडीने घरी परत येत असताना बंडीवर वीज कोसळल्याने शेतकरी गंभीर जखमी झाल्याची घटना आज दि. १० सप्टेंबर ला ६ वा. सुमारास धानोली येथील शेत शिवारात घडली. नानाजी लक्ष्मण बारतीने, वय ६५ वर्ष, राहणार धानोली असे या जखमी शेतकऱ्याचे नाव आहे. लक्ष्मण बारतीने हे आपल्या शेतातून बैलबंडीवर घराकडे येत असताना अचानक विजेच्या कडकडासह जोरदार पाऊस झाला. त्यात बंडीवर विज पडल्यामुळे ते जखमी होऊन बेशुद्ध झाले.