జిల్లా పోలీసు కార్యాలయంలో ఘనంగా వినాయక చవితి వేడుకలు, గణేశునికి ప్రత్యేక పూజలు చేసిన ఎస్పీ దంపతులు

Bapatla, Bapatla | Aug 27, 2025

బాపట్ల జిల్లా పోలీసు కార్యాలయంలో బుధవారం వినాయక చవితి వేడుకలు ఘనంగా జరిగాయి.ఎస్పి తుషార్ డూడీ సతీసమేతంగా విఘ్నేశ్వరుడికి ప్రత్యేక పూజలు చేశారు.ఎస్పీ డూడీ దంపతులు, కుటుంబ సభ్యులను పోలీస్ అధికారులు పూర్ణకుంభంతో స్వాగతించారు.ఈ సందర్భంగా ఎస్పీ మాట్లాడుతూ పోలీసు కుటుంబంతో ఈ వినాయక చవితి వేడుకలు జరుపుకోవడం చాలా సంతోషం కలిగిస్తోందని చెప్పారు. అదే సమయంలో పోలీస్ అధికారులు విధి నిర్వహణలో అప్రమత్తంగా ఉంటూ వినాయక చవితి వేడుకల్లో ఎటువంటి అపశృతి దొర్లకుండా చూడాలని కోరారు.