കണ്ണൂർ: യൂത്ത് ലീഗ് നേതാവ് റിവേഴ്സ് ഹവാല നടത്തുന്നുവെന്ന് മുൻ മന്ത്രി കെ ടി ജലീൽ പയ്യാമ്പലത്ത് പറഞ്ഞു

Kannur, Kannur | Sep 9, 2025

യൂത് ലീഗ് നേതാവ് പികെ ഫിറോസ് റിവേഴ്‌സ് ഹവാലയാണ് നടത്തുന്നതെന്ന് മുൻ മന്ത്രി കെ ടി ജലീല്‍ എംഎല്‍എ കണ്ണൂരിൽ മാധ്യമങ്ങളോട് പറഞ്ഞു. പികെ ഫിറോസ് പല സ്ഥാപനങ്ങളും നടത്തുന്നുണ്ടെന്നും തിരുനാവായക്കാരനായ മുഹമ്മദ് അഷറഫാണ് അദ്ദേഹത്തിന്റെ ബിനാമിയെന്നും കെടി ജലീല്‍ പറഞ്ഞു. പികെ ഫിറോസിന് അത് നിഷേധിക്കാനാവില്ലെന്നും യൂത്ത് ലീഗ് പ്രവര്‍ത്തകര്‍ തന്നെയാണ് തന്നോട് ഇക്കാര്യം പറഞ്ഞതെന്നും ജലീൽ വ്യക്തമാക്കി. ചൊവ്വാഴ്ച്ച പകൽ 3 ഓടെ പയ്യാമ്പലം ഗസ്റ്റ് ഹൗസിൽ മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം.