കണ്ണൂർ: പഴശ്ശി പുഴയിൽ കാണാതായ പെൺകുട്ടിക്ക് വേണ്ടിയുള്ള തിരച്ചിലിനായി പഴശ്ശി ഡാമിന്റെ ഷട്ടറുകൾ അടച്ചു

Kannur, Kannur | Sep 7, 2025

വെളിയമ്പ്ര എളന്നൂരിൽ പഴശ്ശി പുഴയിൽ കാണാതായ പെൺകുട്ടിയെ കണ്ടെത്തുന്നതിന് പഴശ്ശി ഡാമിന്റെ ഷട്ടറുകൾ പൂർണമായും അടച്ചു. മട്ടന്നൂർ നഗരസഭ അധികൃതരുടെ അഭ്യർത്ഥനയെ തുടർന്നാണ് ഷട്ടറുകൾ അടയ്ക്കുന്നതെന്ന് പഴശ്ശി ഇറിഗേഷൻ വിഭാഗം ഞായറഴ്ച്ച രാവിലെ 10 ഓടെ അറിയിച്ചു. ഡാമിന്റെ റിസർവോയർ ഏരിയയിലുള്ള ആളുകൾ ജാഗ്രത പാലിക്കണം. കോഴിക്കോട് കുറ്റ്യാടി സ്വദേശി ഇർഫാന (18)ആണ് ഒഴുക്കിൽ പ്പെട്ടത്. ശനിയാഴ്ച വൈകീട്ട് നാലോടെയാണ് സംഭവം. ഒഴുക്കിൽ പെട്ട് കാണാതായ ഇർഫാനക്ക് വേണ്ടിയുള്ള തിരച്ചിൽ ഇന്നും തുടരും. ബന്ധുക്കൾ ക്കൊപ്പം പുഴയിൽ ഇറങ്ങിയപ്പോൾ ഒഴുക്കിൽ പെടുകയായിരുന്നു.