കോഴഞ്ചേരി: പത്തനംതിട്ട കോളജ് ജംഗ്ഷനിൽ ഓടയുടെ സ്ലാബ് തകർന്ന് സ്വകാര്യ ബസ് ഓടയിൽ താഴ്ന്നു

Kozhenchery, Pathanamthitta | Sep 10, 2025

പത്തനംതിട്ട: പത്തനംതിട്ട കോളജ്​ ജംഗ്​ഷനിൽ ഓടയുടെ സ്​ലാബ്​ തകർന്ന്​ സ്വകാര്യ ബസ്​ ഓടയിൽ താഴ്ന്നു. ബുധനാഴ്ച രാവിലെ 10 മണിയോടെ കാതോലിക്കേറ്റ്​ കോളജ്​ ജംഗ്​ഷനിലാണ്​ സംഭവം. അടൂരിൽനിന്നും പത്തനംതിട്ടയിലേക്ക്​ ​ വന്ന ബസാണ്​ സ്​ലാബ്​തകർന്ന്​ ഓടയിൽ താഴ്ന്നത്​. മറ്റൊരു ബസിന്​ സൈഡ്​ കൊടുക്കവെ ഓടയുടെ മുകളിലേക്ക്​ കയറ്റി നിർത്തി യാത്രക്കാരെ ഇറക്കുമ്പോഴാണ്​ സ്​ളാബ്​ തകർന്നത്​. സദാസമയവും തിരക്ക് അനുഭവപ്പെടുന്ന റോഡാണിത്' ഈ ഭാഗത്തെ ഓടയുടെ സ്​ലാബുകൾ മുഴുവൻ തകർന്ന നിലയിലാണ്​.