हातकणंगले: पुलाची शिरोलीत गाव तलावात उडी मारून परप्रांतीय युवकाच्या आत्महत्येनं उडाली खळबळ

Hatkanangle, Kolhapur | Aug 28, 2025

पुलाची शिरोली येथील गाव तलावात उडी मारून परप्रांतीय युवकाने आत्महत्या केल्याची घटना आज गुरुवार दिनांक 28 ऑगस्ट रोजी सकाळी 11 वाजता उघडकीस आली आहे. जोगिंदर राय (वय ३६ सध्या रा.माळवाडी  शिरोली,मूळ बिहार) युवकाचे नाव आहे. सदर घटनेची नोंद शिरोली पोलीस ठाण्यात झाली आहे. याबाबत घटनास्थळावरून मिळालेली माहिती अशी की जोगिंदर राय हा युवक शिरोली औद्योगिक वसाहत येथे कामास होता. वसाहतीला सोमवार पासून सुट्टी असते.त्यामुळे तो कुठेतरी गेला असेल म्हणून कुटुंबियांनी दुर्लक्ष केले.