ಔರಾದ್: ನಾಪತ್ತೆಯಾದ ಮಹಿಳೆ ಪತ್ತೆ ಹಚ್ಚಿದ ಸಂತಪೂರ್ ಪೊಲೀಸ್ ಅಧಿಕಾರಿಗಳು

Aurad, Bidar | Jul 31, 2025

ಮಹಿಳೆಯೊಬ್ಬರು ನಾಪತ್ತೆಯಾಗಿರುವ ಕುರಿತು ಪ್ರಕರಣ ದಾಖಲಾ ದ ಅತ್ಯಲ್ಪ ಅವಧಿಯಲ್ಲಿಯೇ ಸಂತಪೂರ್ ಪೊಲೀಸ್ ಅಧಿಕಾರಿ ಹಾಗೂ ಸಿಬ್ಬಂದಿ ಸೇರಿ ಮಹಿಳೆ ಪತ್ತೆ ಹಚ್ಚುವಲ್ಲಿ ಯಶಸ್ವಿಯಾಗಿದ್ದಾರೆ. ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಪ್ರದೀಪ್ ಗುಂಟಿ ಅವರ ನಿರ್ದೇಶನದಲ್ಲಿ ಅತ್ಯಾಧುನಿಕ ತಂತ್ರಾಂಶ ಹಾಗೂ ಸಿ ಸಿ ಕ್ಯಾಮೆರಾ ಗಳ ನೆರವಿನಿಂದ ಸಂತಪುರ್ ಪೊಲೀಸ್ ಠಾಣೆ ಪಿಎಸ್ಐ ನಂದಕುಮಾರ್ ಹಾಗೂ ಸಿಬ್ಬಂದಿಯವರು ಸೇರಿ ಖಚಿತ ಮಾಹಿತಿ ಆಧರಿಸಿ, ಮಹಾರಾಷ್ಟ್ರದ ಉದಗೀರಗೆ ತೆರಳಿ ಅಲ್ಲಿ ಪತ್ತೆಯಾದ ಮಹಿಳೆಯನ್ನು ಕರೆತಂದು ವಾರಸುದಾರರಿಗೆ ಹಸ್ತಾಂತರಿಸುವಲ್ಲಿ ಯಶಸ್ವಿಯಾಗಿ ನಾಪತ್ತೆಯಾದ ಪ್ರಕರಣವನ್ನು ಸುಖಾಂತ್ಯ ಗೊಳಿಸಿದ್ದಾರೆ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಅವರ ಕಚೇರಿಯ ಪ್ರಕಟಣೆ ಗುರುವಾರ ಸಂಜೆ 5:30ಕ್ಕೆ ತಿಳಿಸಿದೆ.