શહેરા: ગોધરા-છોગાળા રૂટ પર બસમાં ક્ષમતા કરતાં ત્રણ ગણા મુસાફરો બેસાડ્યા હોવાનો વીડિયો વાયરલ થયો

Shehera, Panch Mahals | Sep 20, 2025

શહેરા તાલુકામાંથી પસાર થતાં બસ રૂટ પર વિદ્યાર્થીઓ અને મુસાફરોની સલામતી જોખમાઈ રહી હોય તેમ લાગી રહ્યું છે કારણ કે શહેરા થી છોગાળા તરફ જતી એક બસમાં નિયમિતપણે ક્ષમતા કરતાં વધારે મુસાફરો ભરવામાં આવતા હોવાનું સામે આવ્યું છે.આ રૂટ પર મોટી સંખ્યામાં વિદ્યાર્થીઓ અને મુસાફરો મુસાફરી કરે છે. પરંતુ,બસની ક્ષમતા માત્ર 52 સીટોની હોવા છતાં બસમાં 170 મુસાફરો એટલે કે ત્રણ ગણાથી પણ વધુ લોકોને ઠાંસી-ઠાંસીને ભરવામાં આવ્યા હોવાનું સામે આવ્યું છે.