ഇടുക്കി: വണ്ണപ്പുറം ടൗണിൽ കാറിന് തീ പിടിച്ചു, അപകടം ഉണ്ടായത് പെട്രോൾ പമ്പിന് സമീപം

Idukki, Idukki | Sep 12, 2025

ഹൈറേഞ്ച് ജങ്ഷനിലെ പെട്രോള്‍ പമ്പിന് മുന്നില്‍ വച്ചായിരുന്നു അപകടം. തീ ആളി പടര്‍ന്നതോടെ പെട്രോള്‍ പമ്പിലും സമീപത്തെ വ്യാപാര സ്ഥാപനങ്ങളിലും ഉള്ളവരെ സ്ഥലത്ത് നിന്നും നീക്കി. തൊടുപുഴയില്‍ നിന്നും വന്ന കാര്‍ ഇന്ധനം നിറയ്ക്കാന്‍ പെട്രോള്‍ പമ്പിലേക്ക് കയറ്റുന്നതിനിടെ നിലച്ച് പോകുകയും നിമിഷങ്ങള്‍ക്കുളളില്‍ തീ പിടിക്കുകയുമായിരുന്നു. ഏതാനും സമയത്തിനുള്ളില്‍ തീ ആളി പടര്‍ന്നു. തൊടുപുഴയില്‍ നിന്ന് അഗ്‌നിരക്ഷാസേന എത്തിയാണ് തീ അണച്ചത്. കാര്‍ പൂര്‍ണ്ണമായും കത്തി നശിച്ചു. അപകടത്തില്‍ ആര്‍ക്കും പരിക്കില്ല.