തിരുവനന്തപുരം: സ്വയം ഒഴിയുന്നതാണ് നല്ലത്, രാഹുൽ മാങ്കൂട്ടത്തിൽ നിലവിൽ കുറ്റവാളി തന്നെയെന്ന് മന്ത്രി ശിവൻകുട്ടി തമ്പാനൂരിൽ പറഞ്ഞു

Thiruvananthapuram, Thiruvananthapuram | Aug 23, 2025

രാഹുൽ മാങ്കൂട്ടത്തിൽ എംഎൽഎ സ്ഥാനം രാജിവെക്കണമെന്ന് പൊതുവിദ്യാഭ്യാസ വകുപ്പ് മന്ത്രി വി ശിവൻകുട്ടി. ഉന്നയിക്കപ്പെട്ട ആരോപണങ്ങൾ ശരിയല്ലെന്ന് തെളിയിക്കുന്നത് വരെയും രാഹുൽ കുറ്റവാളിയാണ്. കുട്ടികൾക്ക് മുന്നിൽ ഒരു കുറ്റവാളി വരാൻ പാടില്ല. അതുകൊണ്ട് രാഹുൽ സ്വയം ശാസ്ത്രമേളയുടെ അധ്യക്ഷസ്ഥാനത്ത് നിന്ന് ഒഴിവായി പോകുമെന്നാണ് പ്രതീക്ഷിക്കുന്നതെന്നും ശിവൻകുട്ടി പറഞ്ഞു.   നവംബർ 7 മുതൽ 10 വരെ പാലക്കാട് വെച്ചാണ് കേരള സ്കൂൾ ശാസ്ത്രോത്സവം നടത്താൻ നിശ്ചയിച്ചിരിക്കുന്നത്. 25നാണ് സംഘാടക സമിതി രൂപീകരണ യോഗം നടക്കുന്നത്.