ખંભાત: શહેરમાં લાલ દરવાજા વાલ્મિકવાસમાં લાઈટ બિલના પૈસા બાબતે મોટાભાઈને નાનાભાઈએ દાતરડુ મારતા ઘાયલ થયો, નોંધાઇ ફરિયાદ

Khambhat, Anand | Aug 24, 2025

ખંભાત શહેરના લાલ દરવાજા વાલ્મિકવાસમાં રહેતા ફરિયાદી હંસાબેન મહેન્દ્રભાઈ વાલ્મિકે પોલીસ મથકે ફરિયાદમાં જણાવ્યું હતું કે, સવારના સાડા દસેક વાગ્યાના સુમારે તેણીના પતિ મહેન્દ્રભાઈ બાજુમાં રહેતા દિયર મહેશભાઈ પાસે સહીયારા મીટરના ભાગે આવતા લાઈટ બિલના પૈસા લેવા માટે ગયા હતા.જ્યાં લાઈટ બિલના પૈસા બાબતે ઝઘડો થયો હતો.જેમાં મહેશભાઈએ પીઠના ભાગે દાતરડું મારી દીધું હતું અને તેમના પુત્ર હાર્દિકે બોથલ પદાર્થ મહેન્દ્રભાઈને જમણા પગના પંજા ઉપર મારી દીધો હતો.