మెరుగైన విద్య అందించడమే ప్రభుత్వ లక్ష్యం: ఎమ్మెల్యే ఇంటురి నాగేశ్వర రావు..

Kandukur, Sri Potti Sriramulu Nellore | Aug 29, 2025

కందుకూరు నియోజకవర్గంలోని దివ్యాంగ విద్యార్థుల కోసం నిర్వహించిన మెడికల్ క్యాంపును ఎమ్మెల్యే ఇంటూరి నాగేశ్వరావు శుక్రవారం ప్రారంభించారు. ఎంఈవో కార్యాలయం ఆవరణలో జరిగిన కార్యక్రమంలో ఆయన మాట్లాడుతూ.. విభిన్న ప్రతిభావంతులైన విద్యార్థులకు మెరుగైన విద్యను అందించడం లక్ష్యంగా ప్రభుత్వం పని చేస్తోందన్నారు. నియోజకవర్గ పరిధిలోని 373 మంది దివ్యాంగ విద్యార్థులకు త్వరలో ఉపకరణాలు అందిస్తామన్నారు. ఈ కార్యక్రమం శుక్రవారం మధ్యాహ్నం 3 గంటల ప్రాంతంలో జరిగింది.