ଦେବଗଡ: ରଜାମୁଣ୍ଡାରେ ନୂଆଁଖାଇ ଭେଟଘାଟ ଏବଂ ସାଂସ୍କୃତିକ କାର୍ଯ୍ୟକ୍ରମ

Debagarh, Debagarh (Deogarh) | Aug 30, 2025

ଦେବଗଡ ପୌରାଂଚଳ ରଜାମୁଣ୍ଡାରେ ଆଦର୍ଶ କ୍ଲବ ଆନୁକୂଲ୍ୟରେ ନୂଆଁଖାଇ ଭେଟଘାଟ ଏବଂ ସାଂସ୍କୃତିକ କାର୍ଯ୍ୟକ୍ରମ ଶନିବାର ରାତି ପ୍ରାୟ ୧୨.୩୦ ପର୍ଯ୍ୟନ୍ତ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ପୂର୍ବତନ ଜିଲ୍ଲା ବିଜେଡି ସଭାପତି ଚିତରଞ୍ଜନ ପ୍ରଧାନ, ବିଧାୟକଙ୍କ ପ୍ରତିନିଧି ଚନ୍ଦ୍ର ଭୁକ୍ତା, ଚିତରଞ୍ଜନ ଦାଶ ପ୍ରମୁଖ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ଏହି ଅବସରରେ ଏକ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହୋଇଥିବା ବେଳେ ଶିବାଶିଷ ଝାଙ୍କର ଏବଂ ଅମ୍ଲାଂଶୁ ପୁଜାରୀ ବିଚାରକ ଦାୟିତ୍ୱ ତୁଳାଇଥିଲେ ।